Кіру үшін тек ЭЦП мен құпиясөз емес, сонымен қатар жеке басын растау қажет. Мұны Мобильді азаматтар базасындағы нөмірге бір реттік SMS-код арқылы немесе eGov Mobile қосымшасындағы цифрлық жеке куәліктегі код арқылы жасауға болады.
Бұл механизм Қазақстанның резиденті емес, Мобильді азаматтар базасында тіркелген нөмірі жоқ адамдарға қолданылмайды.
Қосымша кезең аккаунттардың қауіпсіздігін арттыру және рұқсатсыз қол жеткізуден қорғау мақсатында енгізілді, деп хабарлады «НИТ» АҚ-да.