Қосымша жұмыстың ұзақтығы негізгі жұмыстан тыс тәулігіне төрт сағатпен шектеледі. Жалпы еңбек уақыты тәулігіне он екі сағаттан аспауы тиіс.
Қызметкерлерге құжаттарға қол қоймас бұрын мұқият оқып, қосымша жұмысты жазбаша рәсімдеуді талап ету ұсынылды. Бұл қосымша ақы алу және тиісті демалыс құқығын қорғауға мүмкіндік береді.
Қосымша жұмыс істейтін қызметкерлер жыл сайынғы ақылы еңбек демалысын негізгі жұмыс орнындағы демалыспен бір мезгілде ала алады.
Мемлекеттік бақылау бұзушылықтарды анықтауға ғана емес, жұмыс берушілерге түсіндіру және кеңес беру арқылы олардың алдын алуға бағытталған. Шәкеновтің айтуынша, қауіпсіз және заңды еңбек жағдайлары барлық тараптардың бірлескен күш-жігерімен ғана мүмкін болады.
Өткен жылы Қазақстанда 494 кәсіпорын еңбек құқықтарын бұзғаны үшін 470,7 млн теңге айыппұл төледі.