Зертханалық зерттеулер мен өнімдерді тексеру нәтижесінде зардап шеккендерге стафилококкты энтерит диагнозы қойылды. Staphylococcus aureus бактериясының көзі үй сүті мен айранын жеткізушіден табылды.
Нысандағы бұзушылықтар
Жоспардан тыс тексеру кезінде инспекторлар санитариялық-эпидемиологиялық қорытындының жоқтығын анықтады. Қызметкерлер міндетті медициналық тексеруден және гигиеналық оқытудан өтпеген.
Өнімдер бұзушылықтармен сақталған: шикі ет пісірілген қазы мен қонамен қатар жатқан, ұн мен көкөністер тікелей еденде сақталған. Температура мен ылғалдылықты бақылау құралдарының жоқтығынан қадағаламаған. Бірқатар тауарларға сапа мен қауіпсіздік құжаттары, ал ет пен балыққа ветеринариялық-санитариялық сараптама хаттамалары болмаған.
Мекемеде тағамдардың технологиялық карталары мен өндірістік бақылау бағдарламасы болмаған. Кесетін құралдарда таңбалау жоқ, ал қызметкерлер инфекция белгілеріне күн сайынғы тексеруден өтпеген.
Шаралар мен айыппұлдар
Нысанның қызметі тоқтатылды, он қызметкер жұмыстан шеттетілді. Жеке кәсіпкерге жедел шараларды орындамағаны үшін 302 750 теңге айыппұл салынды. Мерке аудандық соты санитариялық талаптарды бұзғаны үшін қосымша 484 400 теңге айыппұл төлеуге міндеттеді. Жалпы сома 787 150 теңгені құрады.