Вице-министр Е. Кочетов азаматтық қоғамның дамуындағы бес негізгі тенденцияны атап өтті. Біріншісі — белсенді ҮЕҰ санының өсуі, ол 18 мыңнан асты, сонымен бірге мыңға жуық ұйым жобалық басқаруға көшті.
Екінші тенденция волонтерлікпен байланысты. Волонтерлік ұйымдар саны 3,5 есе өсіп, 810-нан асты, бастамашыл топтар саны он есе көбейіп — 3500-ден асты. «Күміс» волонтерлер саны сегіз есе өсіп, 6000 адамға жетті.
Қоғамдық бақылау және цифрландыру
2024 жылдан бастап қоғамдық бақылау туралы заң белсенді қолданыла бастады. Жүздеген мониторинг өткізілді, қоғамдық кеңестер жаңартылды, онда 86%-дан астам орынды азаматтық қоғам өкілдері алады.
Өңірлер ҮЕҰ-мен қаржыландыру және өзара әрекеттесуге белсенді қатысуда. Сонымен қатар қоғамдық ұйымдармен жұмыс істеуге арналған цифрлық платформалар дамып, қайырымдылық платформасы және ҮЕҰ-ның бірыңғай цифрлық базасы енгізілуде.
Мемлекет басшысының тапсырмасы бойынша 2030 жылға дейін волонтерлік қозғалысты дамыту тұжырымдамасы әзірленуде.