Бір мезгілде қылмыстық жолмен алынған мүлікті заңдастыру істерін тергеп-тексеруде. Қылмыстық ортаның 160-дан астам өкілі қылмыстық жауапкершілікке тартылды.
Полиция 270-тен астам бопсалау фактісін, оның ішінде кәсіпкерлерге және білім беру ұйымдарында анықтады. Ел өңірлерінде ауыр және аса ауыр қылмыстарға қатысы бар 30-дан астам қылмыстық топтардың қызметі тоқтатылды.
Ішкі істер министрлігінің Ұйымдасқан қылмыспен күрес департаментінің өкілі Қуандық Алпыс азаматтар мен бизнестің қауіпсіздігіне қол сұғатын қылмыстарға ерекше назар аударылып отырғанын атап өтті.
Колониялардағы тәртіп және халықаралық ынтымақтастық
Қылмыстық-атқару жүйесі комитетімен бірлесіп мекеме әкімшілігіне бағынбау және қылмыстық ортаның сотталған өкілдері тарапынан қызметкерлерге қауіп төндіру фактілері бойынша 50-ден астам қылмыстық іс тіркелді.
Ішкі істер министрлігінің бастамасымен «заңды ұрылар» санатына жататын және шетелдік қылмыстық ортаның басқа өкілдері болып табылатын 500-ге жуық адамға Қазақстанға кіруге тыйым салынды. Адам саудасына қарсы күрес туралы заң аясында 80-нен астам қылмыс анықталды.
Зардап шеккендерге әлеуметтік, құқықтық және психологиялық көмек көрсетіліп, олардың құқықтары қорғалды. Ішкі істер министрлігі ұйымдасқан қылмыстық топтардың қызметін тоқтату және қоғамдық қауіпсіздікті қамтамасыз ету жөніндегі жұмысты жалғастырады.