Түнде және таңертең елдің солтүстігін, солтүстік-батысын, оңтүстік-батысын және шығысын тұман басады. Күндіз Атырау, Батыс Қазақстан, Ақтөбе, Алматы облыстарында, Жетісу және Ұлытау облыстарында, Қостанай және Шығыс Қазақстан облыстарының оңтүстігінде, сондай-ақ Абай облысында температура 35–37 градусқа дейін көтеріледі.
Маңғыстау облысында ыстық 38–41 градусқа, Түркістан және Қызылорда облыстарында 40–41 градусқа жетеді. Атырау облысының оңтүстік-шығысында және Ақтөбе облысының оңтүстігінде 40 градусқа дейін өте қатты ыстық болады.
Түркістан облысында, Атырау облысының батысында, Қарағанды облысының солтүстігінде, Шығыс Қазақстан облысының батысында, оңтүстік-батысында және оңтүстік-шығысында, Қызылорда облысының шығысында және Жамбыл облысының батысында, солтүстігінде өрт қаупі жоғары болып қалады.
Жетісу облысының солтүстігінде, оңтүстігінде және шығысында, Абай облысының батысында, солтүстігінде және оңтүстік-шығысында, Қызылорда облысының орталығында, Түркістан облысының батысында, солтүстігінде, Жамбыл облысының солтүстік-шығысында, Атырау облысының оңтүстігінде, Алматы облысының солтүстігінде, Ақмола облысының шығысында, Павлодар облысының оңтүстік-шығысында, Қарағанды облысының батысында және Шығыс Қазақстан облысының солтүстік-батысында, орталығында төтенше өрт қаупі жарияланды.
Болжамды «Қазгидромет» РМК жариялады.