Ішкі істер министрлігінің киберқылмыстарға қарсы іс-қимыл департаменті бастығының орынбасары Әлібек Оразалы онлайн-алаяқтықпен күрес шаралары туралы айтты. Оның сөзінше, басты міндет қылмыскерлерді ұстау ғана емес, азаматтарды олардың схемаларынан қорғау болып қала береді.
Ұлттық банкпен бірлесіп тағы 2,6 млрд теңгенің заңсыз шығарылуына жол бермеді. Полиция жетекші интернет-платформалармен және байланыс операторларымен белсенді жұмыс істейді: 150 млн-нан астам алаяқтық қоңыраулар бұғатталды.
Профилактикаға ерекше көңіл бөлінеді. ІІМ қызметкерлері азаматтарға кең тараған алдау схемалары туралы айтып, тәуекелдер туралы ескертеді. Шетелдік әріптестермен бірлесіп бірнеше халықаралық алаяқтық call-орталықтарының қызметін тоқтатты және олардың ондаған қатысушыларын ұстады. Сондай-ақ қазақстандықтардың дербес деректерін заңсыз тарататын қылмыстық интернет-ресурсты жойды.
Оразалы жеке сақтықтың қажеттілігін атап өтті: бөгде адамдарға SMS-тен кодтарды, банк карталарының деректерін хабарлауға немесе олардың өтініші бойынша бағдарламаларды орнатуға болмайды. Ең аз күмән туғанда трубканы қою керек, ұйымға ресми нөмір бойынша өзі қайта қоңырау шалып, қоңырау туралы полицияға хабарлау керек.