Резервтерде АИ-92 және АИ-95 маркалы бензин, сондай-ақ дизель отыны бар. Қорлар отандық мұнай өңдеу зауыттарының өндірісі есебінен үнемі толықтырылып отырады.
Реттеу шаралары
21 қарашаға дейін жекелеген мұнай өнімдерінің автомобиль және теміржол көлігімен әкетілуіне уақытша тыйым күшінде қалады. Көлік құралдары шекарадан тәулігіне бір реттен артық өтпеуі тиіс.
20 маусымнан бастап өткізу пункттерінде бақылау күшейтілді. Тексерулерге Ұлттық қауіпсіздік комитеті, Ішкі істер министрлігі, Мемлекеттік кірістер комитеті және Қаржы мониторингі агенттігінің бөлімшелері қатысады.
Орындардағы бақылау
Ішкі нарықтағы жағдайды Үкімет пен уәкілетті органдар үнемі қадағалап отырады. Әкімдіктер жанынан өңірлік штабтар жұмыс істейді, оларды әкімдердің орынбасарлары басқарады.
Мемлекеттік кірістер комитеті, Қаржы мониторингі агенттігі және бәсекелестікті қорғау органдарының аумақтық бөлімшелері күшейтілген тексерулер жүргізеді. Олар жанармай құю станцияларындағы отынның болуын қадағалайды, ГСМ-нің заңсыз әкетілуін тоқтатады және сатушылардың негізсіз әрекеттеріне ден қояды.
Отын бағалары
Қазақстанда автомобиль отынының бөлшек бағалары мемлекет тарапынан реттелмейді және нарықтық негізде қалыптасады.